ماہ رمضان المبارک میں ایک شخص نے سحری کا کھانا کھا کر روزے کی نیت کر کے کھانا پینا بند کیا، اس کے بعد اپنی منکوحہ سے خوش طبعی کرتے ہوئے اسے انزال ہو گیا، یہ معاملہ صبح صادق سے پہلے ہوا ہو یا بعد میں، بہر صورت اس کے اور اس کی عورت کے روزے کا کیا حکم ہے؟
جواب
عورت کے لئے کچھ حکم نہیں اور مرد پر بھی کفارہ نہیں، اور اگر انزال قبل صادق ہو تو قضا بھی نہیں ، اور بعد صبح صادق ہوا اور اس وقت مس وغیرہ نہیں کر رہا تھا اُس کے بعد مجرد بقائے تصور سے واقع ہو ا جب بھی قضا نہیں، ورنہ اس روزہ کو پورا کرے اور ایک روزہ اس کے عوض رکھے۔
